::.Bideoslaves.::

EINKENBANK, Sari banaketa

Horra hor, EIKENBANK sari banaketaren kronika eta irudiak.

http://www.gizarte-komunikazio-zientziak.ehu.es/p238-content/eu/contenidos/evento/eikenbank_sari_banaketa/eu_eik09/eikenbak_sariak09.html

Beno, badirudi dena prest dagoela dokumental laburra amaitzeko. Azken egunotan making of-a, txostena eta portada egiteari ekin diogu eta hemen uzten dizuegu bideo eta irudi bat. Portada oraindikin ez da behin-betikoa baina horren antza eukiko du zalantzarik gabe.

Unibertsitateko maisu-andereñoak badirudi kezkatuta daudela gure "ediziofiliarekin" edota "final cut"-arenganako adikzioarekin baina hemendik esaten dizuegu lan hau amaitu ondoren deskonektatuko ditugula MAC-ak eta edozein motako aparailu elektronikoak...okulista ez baita batere merke.

Making of-a (kalitate pauperrimoan) eta behin-behineko portada

ALTSASUKO 2. LABURMETRAI TXAPELKETA

Sakana, arratsaldeko 19:00ak, dena prest dago Altsasuko II. laburmetrai lehiaketa has dadila. AGA (Altsasuko Gazte Asanblada) aste osoan zehar lan eta lan ibili da dena bikain prestatzeko eta egiaren ordua iritzi da.

Frontoiaren kanpoaldea, jendez gainezka, zuzendariak, aktore-aktoresak eta bestelako irudi garrantzitsuak itxaroten dago. Gaurkoan, erakusketarako auto zaharretan etorriko dira; Mercedes S 143 (1932 urtekoa), Ford B Amerikarra, urte berekoa, Citroën 11, hainbat eskontzatan erabilia edota Fiat Torpedo, (1939. urtekoa) adibidez.

Txaloak hasi dira, autoak hurbiltzen doaz, ekitaldia lehenengo tauapadak ematen hasi da, bigarren urtez. Frontoian 878 pertsona sartzen dira eta ez zen ez, lekurik soberan egon hantxe.

jarraituko du...

EL PRINCIPE DEL CUARTEL

Horra hor Altsasuko laburren txapelketara aurkeztutako bideoa. Juan "Pifi"-k egina da, bere lagunekin batera. Musikalen taldean aurkeztu egin da eta ekinaren 13an jakingo dugu irabazi duen ala ez.

Altsasun bertan egongo gara ekimena grabatzen eta bertan pasatzen den guztiaren kronikatxo bat ekarriko dizuegu.

Lehenengo bi bideoak festibalaren aurkezpen bideoak dira eta hirugarrena, aldiz, aurkeztu den kortoa (beste batzuen artean, noski)

COPY eta PASTE (Kapturatu eta muntatu)

Kaixoooo! hementxe gaude editatzen, editai geletan, gure ametsak editatzeko logeletan (badirudi Juan idazten dagoela). Berlineko lorpen guztiak berrikusten eta momentu oro gogoratzen. Anton, Idoia eta Project Volunteering etxeko lagunak berriro ere ikusi.

Oraintxe bertan amaitu dugu irudiak kapturatzen eta hasiko gara laster baten muntaketarekin.

Hiztegi berria garatu dugulaz konturatu egin gara eta datorren egunetan saiatuko gara berba guztiak zerrenda batean jartzen.

Frantziarren INBASIOA!!!

Orain egun gutxi, hainbat couchurfer etorri ziren gure lurraldeak "inbaditzera". Ez ziren gutxi ez, eta beraiekin izandako esperientzia oso aberasgarria izan zen.

Areetako "Bizkaiko zubia"-n gelditu ginen beraiekin. Herritik eta hondartzatik paseotxo bat eman eta gero Bilbo aldera joan ginen, hiria erakutsi nahian.

Taldekide baten PITCHING-a

Atzo, maiatzak 25 Juanek EINKENBANK taldeari aurkeztu zion proiektuaren pitching-a. Orain hilebete bidali zuen gidoia eta azken 10 finalisten artean hartu diote.

Hemen daukazue bere pitchinean erabilitako bideo laburra, aurrerakin moduan. Berlinen grabatutakoaren laburpen xumea besterik ez da.

Edizioa eta muntaia (POSTPRODUKZIOA)

Bagabiltza geure lanik garrantzitsuena editatzeko prest. Azterketak, praktikak eta bestelakoak direla eta denbora ez dugu soberan eukiko baina beno saiatuko gara ahalik eta lasterren amaitzea.

10 ordu grabatu ditugu guztira, Bilbon eta Berlinen, baina 15 minutuko mikrodokumentalean erakutsiko duguna erabaki beharko dugu hainbat irudi bazter batean utzita. TCak eta EDLak hartu, hautatu eta batu, horixe da hurrengo erronka.

Ekainaren bigarren astean bukatuta izatea da gure helburua eta handik egun gutzira

unibertsitate zein telebista kate ezberdinetan aurkeztea nahiko genuke. Gauza bera egingo dugu interneten, YouTube zein EITBko web orrialdeetan eta baita tankera horretako plataforma edota sare sozialetatik egindako lana erakusten.

COUCHSURFING Berlin

Motxilak esku batean eta ikaragarrizko gogoak bestean, taldea (Leire gogoan izanda) Berlinera iritsi zen, Couchsurfingaren indarrak beste herrialde batera eraman gintuen, ezagutzeko eta ezagutarazteko nahiarekin batera.

Ezinezkoa da azaltzea izandako sentipenak baina laburpen moduan egun bakoitzean egindakoa komentatuko dugu, oso era azkarrean (dokumentalean bertsio oso eta garatua aurki daiteke).

Osteguna, apirilak 30: Bi taldekide heldu ginen Berlinera eta Antonen harrera grabatu genuen, bestalde kalean istiluak egon ziren hurrengo egunean maiatzak 1 baitzen.

Ostirala, maiatzak 1: Berlineko toki ezberdin eta hainbat Couchsurfer grabatu, "meeting" batean.

Larunbata, maiatzak 2: Project Volunteering etxera heldu eta hainbat elkarrizketa egin, bidean Berlinen grabatu genuen. Mini-gol batean Couchsurfing-eko "meeting" bat grabatu.

Igandea, maiatzak 3: Berlineko parke batera joan ginen, bertan merkatu handi eta hainbat espektakulo zeuden. Couchsurfing-eko kide bat postu bat zeukan merkatuan bertan eta elkarrizketatu genuen.

Astelehena, maiatzak 4: Beasaingo neska batekin geratu ginen eta berak egin zuen gida modura. Dokumentalaren zati oso garrantzitsua izan da, bizikletak alokatzera animatu baikintuen eta Berlineri buruzko datu asko eman baitzigun.

Asteartea, maitzak 5: Goiz jaiki, batzuk besteok baino lehenago eta Bilborako bidea hartu. Oraingoz edizio eta eta muntaketa lan guztia egiteke dago.

COUCHSURFING Proiektua

Kaixo lagunok!

Orain hilabete bat eta hainbat ideien artean, Couchsurfing-aren bizimodua erakustea erabaki genuen. Egun batetik bestera argi izan genuen ederra izango zela hori bera pantailara eramatea.

Couchsurfing proiektuaren inguruko dokumental moduko bat egitera goaz. Baina, zer da Couchsurfing? (sakatu eskumako zutabean daukazun logoa)

...

Apirilaren 30ean Berlinera goaz eta bertan 5 egun emango ditugu, gure helburuen artean COUCHSURFINEKO KULTURA NOLAKOA DEN erakustea da eta Berlineko hiri kosmopolitaren inguruko dokumental txikia egitea. Anton eta beste hainbat surfer-en laguntzaz proiektuari forma emango diogu.

Sketch (hastapenak)

Alemaniara bidaiatu aurretik sketch txiki bat egitea pentsatu dugu gaian pixkanaka sartzeko, 5 minutuko ekoizpena, zeinean, Couchsurfina beste bizimodu baterako alternatiba izan daitekken erakusten baiten.

...

Lagako hondartzan, Ibarrangeluko herrian barna, egon gara grabatzen bi egunetan zehar. Bertako lokalizazioak ikaragarri politak baitziren eta nahi genuen estetika lortzeko leku bikaina baitzen.